Ռուսաստանը չի գործում որևէ մեկի դեմ, այլ գործում է իր սեփական օգտին, և դա է, որ նա շարունակելու է անել, հայտարարել է Ռուսաստանի նախագահի մամուլի քարտուղար Դմիտրի Պեսկովը՝ խոսելով Եվրամիության նոր պատժամիջոցներին Ռուսաստանի արձագանքի մասին։
ԵՄ արտաքին քաղաքականության և անվտանգության հարցերով գերագույն հանձնակատար Կայա Կալլասը հինգշաբթի օրը հայտարարեց, որ ԵՄ-ն ընդունել է Ռուսաստանի դեմ պատժամիջոցների 19-րդ փաթեթը։
«Մենք, առաջին հերթին, որևէ մեկի դեմ չենք գործում. մենք գործելու ենք մեր սեփական օգտին։ Ահա, թե ինչ ենք մենք անելու», - լրագրողներին ասել է նա՝ ի պատասխան այդ մասին հարցին։
Ռուսաստանը բազմիցս հայտարարել է, որ երկիրը կհաղթահարի պատժամիջոցների ճնշումը, որը Արևմուտքը սկսել է կիրառել Ռուսաստանի նկատմամբ մի քանի տարի առաջ և շարունակում է ուժեղանալ։
