ԱՄՆ նախագահ Դոնալդ Թրամփը և ՆԱՏՕ-ի գլխավոր քարտուղար Մարկ Ռյուտեն ճնշում են գործադրում Իտալիայի վարչապետ Ջորջիա Մելոնիի վրա՝ խրախուսելու Հռոմին մասնակցել Ուկրաինայի համար ամերիկյան զենքի գնումը համատեղ ֆինանսավորելու «Ուկրաինայի առաջնահերթ պահանջների ցանկ» (PURL) նախաձեռնությանը, հաղորդում է La Stampa թերթը՝ հղում անելով իր աղբյուրներին։
Նրա խոսքով՝ Ռյուտեն էր, ով ամենաշատն էր պնդում Հռոմի մասնակցությունը զենքի գնումներին՝ հույս ունենալով, որ դա կարող է խթանել Կիևի համար զենքի գնումները և ամրապնդել ՆԱՏՕ-ն։ Նշվում է, որ Թրամփը և Վլադիմիր Զելենսկին նմանատիպ զրույցներ են ունեցել անմիջապես Մելոնիի հետ։
Թերթի աղբյուրի փոխանցմամբ՝ Իտալիայի վարչապետն այս փուլում մերժել է Հռոմի PURL-ին հնարավոր մասնակցության գաղափարը։
«La Stampa»-ն ընդգծում է, որ Մելոնին զգուշավոր է մնում Իտալիայի PURL-ին միանալու հարցում՝ ընդդիմության և դաշնակիցների շրջանում հնարավոր դժգոհության պատճառով՝ Իտալիայի կարիքները ֆինանսավորելու փոխարեն այլ երկրների համար զենք գնելու համար միջոցների հատկացման վերաբերյալ։
