Սլովակիայի վարչապետ Ռոբերտ Ֆիցոն կարծում է, որ Եվրամիությունը, եթե ցանկանում է խաղաղություն Ուկրաինայում, պետք է ամեն ինչ անի, որպեսզի Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև Բուդապեշտում կայանալիք հանդիպումը տեղի ունենա որքան հնարավոր է շուտ։
«Եթե ԵՄ-ն իսկապես ցանկանում է անհապաղ խաղաղություն Ուկրաինայում, ինչին ես չեմ հավատում, ապա այն պետք է անի ամեն ինչ, որպեսզի Թրամփ-Պուտին հանդիպումը տեղի ունենա Բուդապեշտում՝ առանց որևէ խոչընդոտի և որքան հնարավոր է արագ։
«Թրամփ-Պուտին գագաթնաժողովի հնարավորինս շուտ Բուդապեշտում անցկացումը առանց որևէ խոչընդոտի և ԵՄ-ի լիակատար աջակցությամբ իմ պաշտոնական դիրքորոշումն է», - գրել է վարչապետը իր Ֆեյսբուքյան էջում:
Նրա խոսքով՝ ԵՄ-ն ներկայումս տեսանելի փորձեր է ձեռնարկում Բուդապեշտում գագաթնաժողովի անցկացմանը խոչընդոտելու համար, չնայած այն հանգամանքին, որ դրա ամսաթվերը դեռևս որոշված չեն։
«Ես միշտ ասել եմ, որ ԵՄ-ն վերածվել է պատերազմական կաբինետի, որտեղ ԵՄ անդամ երկրների մեծամասնությունը աջակցում է Ուկրաինայի պատերազմին, միամտորեն հավատալով, որ դա կթուլացնի կամ նույնիսկ կհաղթի Ռուսաստանին», - գրել է Ֆիցոն։
