Ռուսաստանի արտաքին գործերի նախարար Սերգեյ Լավրովի և ԱՄՆ պետքարտուղար Մարկո Ռուբիոյի միջև վերջին մի քանի օրերի ընթացքում նախապատրաստվող հանդիպումը անորոշ ժամանակով հետաձգվել է, հաղորդում է CNN-ը՝ հղում անելով Սպիտակ տան աղբյուրներին։
Նրանց տեղեկությունների համաձայն՝ նախատեսված հանդիպումը հետաձգվել է։ Սակայն հեռուստաալիքը նշում է, որ դեռևս պարզ չէ, թե ինչու հանդիպումը չի կայանա այս շաբաթ։ Հոկտեմբերի 20-ին Ռուսաստանի փոխարտգործնախարար Սերգեյ Ռյաբկովը հայտարարել էր, որ երկու երկրների արտաքին գործերի նախարարների հանդիպման վայրի և ժամանակի վերաբերյալ որևէ համաձայնություն չկա, և որ ամեն ինչ քննարկվում է։
CNN-ի աղբյուրների փոխանցմամբ՝ Լավրովը և Ռուբիոն համաձայն չեն ուկրաինական հակամարտության խաղաղ կարգավորման հարցում։
Ավելին, շարունակել է հեռուստաալիքը, դեռևս պարզ չէ, թե ինչ ազդեցություն կունենա նրանց հանդիպման անորոշ ժամանակով հետաձգումը, ի վերջո, Ռուսաստանի նախագահ Վլադիմիր Պուտինի և նրա ամերիկացի գործընկեր Դոնալդ Թրամփի միջև
Բուդապեշտում կայանալիք բանակցությունների վրա։
Երկու արտաքին քաղաքականության գերատեսչությունների ղեկավարների միջև հեռախոսազրույցից հետո, հաղորդում է CNN-ը, ամերիկացի պաշտոնյաները եզրակացրել են, որ Ռուսաստանի դիրքորոշումը Ուկրաինայի հարցում չի փոխվել։
