86 տարեկան հասակում մահացել է հայտնի ռուս սոցիոլոգ, հրապարակախոս և փիլիսոփա Սերգեյ Կարա-Մուրզան։
Ինչպես հայտնում են ռուսական լրատվամիջոցները, մահվան մասին հայտարարել է նրա որդին՝ Գեորգի Կարա-Մուրզան։
Սերգեյ Կարա-Մուրզան Ռուսաստանի գրողների միության անդամ էր և հայտնի է որպես մի շարք հանրաճանաչ ստեղծագործությունների հեղինակ։ Նրա ստեղծագործությունները լայնորեն տարածվել են հետխորհրդային տարածքում։
Կարա-Մուրզան հայտնի էր որպես արևմտյան ազդեցության, գլոբալիզացիայի և 1990-ականների բարեփոխումների սուր քննադատ, ինչպես նաև՝ Ռուսաստանի ինքնիշխան զարգացման ուղու կողմնակից։
Սերգեյ Կարա-Մուրզան ընդդիմադիր քաղաքական գործիչ Վլադիմիր Կարա-Մուրզայի հորեղբայրն է, ով ներկայումս ճանաչվել է որպես օտարերկրյա գործակալ և ներառված է Ռուսաստանի Դաշնային ֆինանսական մոնիթորինգի ծառայության կողմից ահաբեկիչների և ծայրահեղականների ցուցակում։
