Ֆուտբոլի պատմության և վիճակագրության միջազգային ֆեդերացիան (IFFHS) թարմացրել է ակումբների վարկանիշային սանդղակը:
Հայաստանի չեմպիոն և գավաթակիր «Նոան» 9 աստիճանով բարձրացել է և 146-րդն է: Հայկական թիմը շրջանցել է այնպիսի հեղինակավոր ակումբների, ինչպիսիք են անգլիական «Նյուքասլը», «Էվերթոնը», իսպանական «Սևիլիան», «Վալենսիան», ֆրանսիական «Մարսելը»:
Հիշեցնենք, որ «Նոան» երկրորդ մրցաշրջանն անընդմեջ մասնակցում է Կոնֆերենցիաների լիգայի Լիգայի փուլին: Նոր մրցաշրջանի առաջին տուրում Սանդրո Պերկովիչի թիմը սեփական հարկի տակ 1-0 հաշվով հաղթել էր Խորվաթիայի չեմպիոն «Ռիեկային»:
IFFHS-ի վարկանիշային աղյուսակի առաջատարը Չեմպիոնների լիգայի գործող հաղթող ֆրանսիական ՊՍԺ-ն է:
