Մադրիդի «Ռեալի» լեգենդ Տոնի Կրոսն ու իր եղբայրը՝ Ֆելիքս Կրոսը դարձել են անգլիական «Նյուքասլ Յունայթեդի» ֆան ակումբի անդամներ։ Այս մասին տեղեկացնում է Transfermarkt-ը։
Օգոստոսին Տոնի Կրոսը կատակել էր՝ ասելով, թե ցանկանում է տեղափոխվել «Նյուքասլ Յունայթեդ», քանի որ տպավորված է թիմի խաղով։
Ակումբն արդեն անվանական մարզաշապիկներ է ուղարկել եղբայրներին և նրանց պաշտոնապես ավելացրել է «Նյուքասլի» երկրպագուների շարքում։
Հնարավոր է՝ Տոնի Կրոսը նաև ներկա լինի «Նյուքասլ Յունայթեդի» առաջիկա տնային խաղերից մեկին։
