Միացյալ Նահանգները կարող է 2026 թվականի Աշխարհի առաջնության խաղերը տեղափոխել բարձր հանցագործության մակարդակ ունեցող քաղաքներից։ Այս մասին հայտարարել է ԱՄՆ նախագահ Դոնալդ Թրամփը՝ Սպիտակ տանը իր արգենտինացի գործընկեր Խավիեր Միլեի հետ հանդիպման ժամանակ լրագրողների հարցերին պատասխանելիս։
Հարցին, թե արդյոք նա կզրկի Բոստոնին խաղերը հյուրընկալելու իրավունքից՝ հանցագործության պատճառով, նա նշել է․«Մենք կարող ենք զրկել նրանց դրանից։ Ես սիրում եմ Բոստոնի բնակիչներին։ Գիտեմ, որ խաղերի տոմսերը վաճառված են, բայց դուք վատ քաղաքապետ ունեք։
Պատասխանը՝ այո, եթե ինչ-որ մեկը լավ աշխատանք չի կատարում, և ես կարծում եմ, որ պայմանները անվտանգ չեն, ես կզանգահարեմ ՖԻՖԱ-ի ղեկավար Ջաննիին Ինֆանտինոյին, ով ֆենոմենալ մարդ է, և կասեմ եկեք սա տեղափոխենք ուրիշ տեղ», և նա կանի դա», – ասել է նա։
2026 թվականի աշխարհի առաջնությունը կանցկացվի ԱՄՆ-ում, Մեքսիկայում և Կանադայում՝ հունիսի 11-ից հուլիսի 19-ը։
