«Ինքնաբուխ ակցիա է, մարդիկ իմանալով, կամ պատահաբար անցնելով տան մոտով միացել են»,-Վալոդյա Գրիգորյանի տան դիմաց ասաց ակցիայի մասնակից Լևոն Օհանյանը, սպանված համայնքապետի ընկերը։
Նա նշեց, որ քաղաքացիները իրենց ներկայությամբ աջակցություն ենք հայտնում իրավապահներն և խնդիրը՝ բնակավայրում առկա լարվածության փաստը բարձրաձայնելու համար են հավաքվել։
«Մերձավանում իրավապահների գտնվելը չի կարող ինքնանպատակ լինել, կամ՝ պարզապես ներկայություն»,-ասաց Օհանյանը և հավելեց. «Այդ ողբերգությունը մեր համար իրականություն չէ, դեռ չենք հավատում, որ Վալոդյա Գրիգորյանը մեզ հետ չէ...
Եթե ախտոյանները իրենց բնակության վայրը փոխեն, լարվածությունը որոշ չափով կթոթափվի»:
Նշենք՝ Փարաքարի սպանված համայնքապետ Վալոդյա Գրիգորյանի աջակիցներն այսօր՝ հոկտեմբերի 12–ին, բողոքի ակցիա են իրականացնում Մերձավանում։
Հավաքված քաղաքացիներն իրավապահներից պահանջում են արդար քննություն իրականացնել եւ պարզել հանցագործության բոլոր մասնակիցներին։
