Հունգարիայի հավաքականի գլխավոր մարզիչ Մարկո Ռոսին խոսել է Հայաստանի ազգային ընտրանու դեմ հոկտեմբերի 11-ին Բուդապեշտում կայանալիք խաղի մասին, հաղորդում է Հունգարիայի ֆուտբոլի ֆեդերացիան:
«Թղթի վրա հայերը մեզնից թույլ են, բայց մենք, անշուշտ, մտադիր չենք թերագնահատել նրանց։ Իռլանդացիների դեմ խաղում նրանք ցույց տվեցին, թե որքան վտանգավոր կարող են լինել։ Նրանք ունեն երեք կամ չորս շատ ուժեղ ֆուտբոլիստ։ Մեր նպատակը, իհարկե, հաղթանակն է»,- ասել է Ռոսին:
F խմբի առաջատարը 6 միավորով Պորտուգալիան է, Հայաստանը 3 միավորով երկրորդն է, Հունգարիան ու Իռլանդիան վաստակել են 1-ական միավոր։
