Ֆուտբոլի միջազգային ֆեդերացիան (ՖԻՖԱ) իր սոցիալական ցանցերում ներկայացրել է 2026 թվականի աշխարհի առաջնության պաշտոնական գնդակը, որը կանցկացվի Միացյալ Նահանգներում, Կանադայում և Մեքսիկայում։
Դիզայնը ներառում է երեք գույներ՝ կարմիր, կապույտ և կանաչ, որոնք խորհրդանշում են ընդունող երկրները։ Գնդակը անվանվել է TRIONDA։
Աշխարհի գործող չեմպիոնը Արգենտինան է։ 2022 թվականին Արգենտինան Քաթարում կայացած եզրափակիչ խաղում 11 մետրանոց հարվածաշարով հաղթեց գործող չեմպիոն Ֆրանսիային։
2022 թվականի փետրվարին Ֆուտբոլի միջազգային ֆեդերացիան (ՖԻՖԱ) և Եվրոպական ասոցիացիաների միությունը (ՈՒԵՖԱ) որակազրկեցին Ռուսաստանի ազգային հավաքականին և բոլոր ռուսական թիմերին իրենց համապատասխան մրցաշարերին մասնակցելուց։ Արդյունքում, ակումբներին թույլ չի տրվում մրցել Չեմպիոնների լիգայում, Եվրոպա լիգայում կամ Կոնֆերենցիայի լիգայում, իսկ տղամարդկանց ազգային հավաքականը զրկվեց 2022 թվականի աշխարհի առաջնությանը մասնակցելու հնարավորությունից։ Ռուս ֆուտբոլիստները նաև չեն խաղացել 2024 թվականի Եվրոպայի առաջնությունում և թույլ չեն տվել մասնակցել 2026 թվականի աշխարհի առաջնության վիճակահանությանը։
Թարգմանությունը՝ Euromedia24.com-ի
