Կոնֆերենցիաների լիգայի ընդհանուր փուլի մեկնարկային տուրում «Նոան» սեփական հարկի տակ 1։0 հաշվով հաղթեց Խորվաթիայի չեմպիոն «Ռիյեկային»։
Խաղի առաջին րոպեներին հյուրերը շատ վտանգավոր դիրքում տուգանայինի իրավունք ստացան, բայց ստանդարտից հարվածը դիպուկ չէր։ «Նոայի» պատասխանը չուշացավ. Նարդին Մուլահուսեյնովիչը 6-րդ րոպեին անկյունային հարված վաստակեց «Նոայի» համար, ու անկյունի
Խաղի 28-րդ րոպեին խաղադաշտի կենտրոնական գոտում Նիկո Յանկովիչը «Նոայի» կիսապաշտպան Յան Էտեկիի հետ պայքարում շատ կոպիտ խաղաց ու հեռացվեց խաղադաշտից։ Հայկական թիմը ստացավ նաև թվային առավելություն։ Այդ առավելությունը երկար ժամանակ օգտագործել չէր հաջողվում, չնայած երկրորդ խաղակեսում «Նոան» ու մասնավորապես Հելդեր Ֆեռեյրան, Նարդին Մուլահուսեյնովիչը մեր թիմի հաջողությունը զարգացնելու հնարավորություն ունեին։ Բայց հաշվի մեջ նոր փոփոխություն չարձանագրվեց։ Անկախ հաշվից` «Նոան» շատ լավ հանդիպում անցկացրեց։
Հաջորդ հանդիպումը Կոնֆերենցիաների լիգայի ընդհանուր փուլում «Նոան» կանցկացնի հոկտեմբերի 23-ին։ Այդ օրը Հայաստանի չեմպիոնը հյուրընկալվելու է ռումինական «Ունիվերսիտատիային»։
