Թթու և կծու սնունդը կարող է խթանող ազդեցություն ունենալ՝ դժվարացնելով քնելը, մինչդեռ աղի սնունդը կարող է բարձրացնել արյան ճնշումը և խանգարել գիշերային հանգստին: Քնի մասնագետ Քեթրին Հոլը զգուշացրել է այս մասին HuffPost-ին տված հարցազրույցում:
Մասնագետի խոսքով՝ այնպիսի սննդամթերքներ, ինչպիսիք են չիպսերը, աղի ընկույզը, բեկոնը և թթու դրած բանջարեղենը, առաջացնում են հեղուկի կուտակում և մեծացնում են շրջանառվող արյան ծավալը: Սա հանգեցնում է արյան բարձր ճնշման, դժվարացնելով հանգստանալը և քնելը, ինչպես նաև ավելի հաճախ զուգարան գնալու համար արթնանալը:
Բժիշկ Հոլը նաև խորհուրդ է տալիս խուսափել երեկոյան թթվային սննդամթերքներից, ինչպիսիք են լոլիկը, սմբուկը, սոյայի սոուսը, կարմիր գինին և որոշակի պանիրներ: Մասնագետի խոսքով՝ նման սննդամթերքները հարուստ են թիրոմինով՝ ամինաթթու, որը խթանում է ուղեղի գործունեությունը և կարող է խանգարել քնին:
Ավելին, քնի մասնագետը խորհուրդ է տվել խուսափել կծու սննդամթերքներից քնելուց առաջ:
«Համեմունքները և չիլի պղպեղը պարունակում են կապսաիցին, մի նյութ, որը բարձրացնում է մարմնի ջերմաստիճանը և դժվարացնում քնելը: Ավելացրեք դրան մնացած կերակուրի մարսման համար անհրաժեշտ էներգիան, և դուք կհասկանաք, թե ինչու է դժվար լավ քնել ընթրիքից հետո», - բացատրեց Հոլը:
Թարգմանությունը՝ Euromedia24.com-ի
