«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ ՔՊ վարչության նորընտիր անդամներով նիստը նախատեսվում է իրականացնել նոյեմբերի սկզբին: Բանն այն է, որ այժմյան ՔՊ վարչության նիստի լիազորությունները ավարտվում են հոկտեմբերի 29-ին, ու մոտ մեկ ամիս դեռեւս ՔՊ-ականները «հին» դեմքերով են վարչության նիստն իրականացնելու:
Հիշեցնենք, որ սեպտեմբերի 20-ին կայացան ՔՊ վարչության անդամների ընտրությունները, որտեղ նոր կազմում ընգրկվեցին 20 ՔՊ-ականներ: Էլեկտրոնային քվեարկությունը անցավ անհասկանալի արդյունքներով, ՔՊ-ականներին Փաշինյանը հրահանգեց նաեւ ձեռքով հաշվել 917 քվեաթերթիկները, ինչը տեւեց մոտ 3 օր: Հաշվեցին ու հաշվեցին, եւ ի վերջո հայտարարեցին, որ ստացվել է ձայների այսպիսի պատկեր.
1. Փաշինյան Նիկոլ Վովայի- 826 2. Պապոյան Գեւորգ Հարությունի- 707 3. Ալեքսանյան Վահագն Հովիկի- 688 4. Պապիկյան Սուրեն Ռաֆիկի- 665 5. Կոնջորյան Հայկ Արսենի- 648 6. Հարությունյան Արայիկ Էդուարդի- 625 7. Ռուբինյան Ռուբեն Կարապետի- 606 8. Թորոսյան Արսեն Գեւորգի- 596 9. Պետրոսյան Ռոմանոս Վանիչկայի- 567 10. Խուդաթյան Դավիթ Հովհաննեսի- 562 11. Սիմոնյան Ալեն Ռոբերտի- 527 12. Ղազարյան Ալխաս Աղաբեկի- 513 13. Ջուլհակյան Արուսյակ Թովմասի- 439 14. Գաբրիելյան Վիլեն Կարենի- 435 15. Հակոբյան Հասմիկ Արմենի- 434 16. Սանոսյան Գնել Հենզելի- 432 17. Ավինյան Տիգրան Արմենի- 422 18. Խաչատրյան Արմեն Էդմոնդի- 420 19. Բաղդասարյան Նազելի Հրաչի- 416 20. Մանավազյան Արուսյակ Լեւոնի- 405»։
Մանրամասները՝ «Ժողովուրդ» օրաթերթի այսօրվա համարում:
