Sports Illustrated-ի տվյալներով՝ «Ինտեր Մայամիի» արգենտինացի հարձակվող Լիոնել Մեսսին 2025 թվականի Ռայմոն Կոպայի անվան գավաթի (մինչև 21 տարեկան լավագույն երիտասարդ խաղացող) քվեարկության ժամանակ ընտրել է «Բարսելոնայի» իսպանացի հարձակվող Լամին Յամալին։ Այս մասին գրում է ArmSport.am-ը։
«Ալ-Նասրի» պորտուգալացի հարձակվող Կրիշտիանու Ռոնալդուն ձեռնպահ է մնացել քվեարկությունից։
Ի տարբերություն «Ոսկե գնդակի», Կոպայի գավաթի հաղթողին ընտրում են ոչ թե լրագրողները, այլ «Ոսկե գնդակի» նախկին դափնեկիրները։ Այս տարի քվեարկությանը մասնակցել է 27 ֆուտբոլիստ։ Քվեարկողների ճնշող մեծամասնությունը, այդ թվում՝ Մեսսին, Մոդրիչը, Զիդանը, Բենզեման և Կական, «Բարսելոնայի» խաղացողին դրել են առաջին տեղում։
ՊՍԺ-ի ֆրանսիացի կիսապաշտպան Դեսիրե Դուեին Յամալի փոխարեն ընտրել են միայն Ռոբերտո Բաջոն, Ռուդ Գուլիտը և Պավել Նեդվեդը։
