Մեր թղթերում, պայմանավորվածություններում չկա, որ մենք ջրերը կտրում ենք, հացը կտրում ենք, օդը, կտրում ենք, լույսն անաջտում ենք, ու դրա փոխարեն ստեղծում TRIP ուղի։ Այս մասին լրագրողների հետ զրույցում ասաց Նիկոլ Փաշինյանը։
«Ինչի՞ց ա կանխավարկածը, որ եթե լինելու երկաթուղի, ջուր չի լինելու։ Սովորաբար հակառակն է լինում, որտեղ երկաթուղի է լինում, ջուրը պարտադիր է պայմանը․․․ որտեղ երկաթուղի կա, այնտեղ հաց կա, որտեղ երկաթուղի կա, այնտեղ բարեկեցություն կա, բայց մեր դեպքում մի քիչ հակառակն է․ եթե երկաթուղի կա, ուրեմն հաց չկա, ջուր չկա, անվտանգություն չկա, ինքնիշխանություն չկա, տարածքային ամբողջականություն չկա։ Դա մեզ ներշնչված «գետոյի» տարամաբնությունն է, որ այ տես՝ պետք է փակված ապրենք, որ մեր ինքնությունն, անվտանգությունը պահենք»,– ասաց Փաշինյանը։
Նրա խոսքով՝ ժամանակակից աշխարհում պետք է շատ շփվել, պետք է խոսել և հասկանալի լինել աշխարհին․ «Եվ հիմա մենք դա ենք անում։ Չկա այդպիսի տրամաբանություն, որ խաղաղություն կլինի, բայց ջուր չի լինի։ Այ ժողովո՛ւրդ, ընտրեք՝ ջուր եք ուզում, թե խաղաղություն։ Ջուրն ու խաղաղությունը սովորաբար իրար հետ են լինում, կարա պատերազմի դեպքում ջուր չլինի, քանի որ պատերազմն այնուամենայնիվ ավիրելու մասին է»։
Փաշինյանը դիմեց Հայաստանի ու, մասնավորապես, Մեղրիի ժողովրդին․ «Թող համեմատեն՝ այն ժամանակ, երբ երկաթուղին կար, կյանքն ավելի լավ էր, թե ավելի վատ»։
Նա նաև հայտարարեց՝ ՀՀ անկախության օրից ոչ մի տարի, ոչ մի օր խաղաղություն չի եղել Հայաստանում, երրորդ հանրապետությունը խաղաղություն չի տեսել։
