Ինչպես արդեն հայտնել ենք, սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։Կրակոցների հետևանքով մահացել են Փարաքարի համայնքապետ Վոլոդյա Գրիոգորյանը և ՆԳՆ ոստիկանության Արարատի քրեական ոստիկանության աշխատակից Կարեն Աբրահամյանը։
«Ոստիկանության ծառայողը ընկերական հարաբերությունների մեջ է եղել համայնքի ղեկավարի հետ և պարզապես այստեղ կանգնած է եղել, նա ծառայության մեջ չի եղել», – լրագրողների հետ զրույցում ասաց ՀՀ ՆԳ նախարարի մամուլի քարտուղար Նարեկ Սարգսյանը։ Նա հայտնեց, որ վիրավոր Արծրուն Գալստանյանը վիրահատվել է, նրա կյանքին վտանգ չի սպառնում։Սարգսյանի խոսքով՝ ահազանգը ստանալուց հետո ոստիկանական օպերատիվ խմբեր են ժամանել դեպքի վայր՝ ՆԳ ախարարի գլխավորությամբ։ Այս պահին էլ ՆԳ նախարարը գտնվում է Վաղարշապատի բաժնում և գլխավորում է աշխատանքները։
«Այս պահին ծավալուն օպերատիվ հետախուզական միջացառումներ են իրականացվում, տեսախցիկներ են վերծանվել, հանրապետության մուտքեր ու ելքեր են այս պահին ստուգվում որոշակի առումով, մեքենաներ կան տեղափոխված պահպանվող հատուկ տարածք, նաև անձանց հետ են զրույցներ տարվում»,– ասաց ՆԳՆ խոսնակը։
Նա նշեց, որ, նախնական տեղեկություններով, մեկ անձ՝ դիմակավորված, ձեռնոցներով, մոտեցել է կանգնած երեք անձնաց, կրակահերթեր է արձակել, որի հետևանքով 2–ը զոհվել են, մեկը՝ վիրավորվել։
