Այս տրանսպորտային երթուղու գործնականում գործելու վերաբերյալ վերջնական պատկերացում մենք կկարողանանք կազմել, երբ ծանոթանանք այս նախագծի կոնկրետ մանրամասներին։ Սա դեռ տեղի չի ունեցել։ Այս մասին շաբաթական ճեպազրույցի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ մեկնաբանելով Ռուսաստանի փոխվարչապետ Ալեքսեյ Օվերչուկի այն հայտարարությունը, որ ռուսական կողմի մոտ կա ըմբռնում Թրամփի երթուղու, ինչպես նաև այս հարցի վերաբերյալ Հայաստանի և Ադրբեջանի ղեկավարների հակասական հայտարարությունները։
Նա հիշեցրեց, որ միջազգային համաձայնագրի համաձայն՝ ռուս սահմանապահները ապահովում են սահմանների պաշտպանությունը այնտեղ, որտեղով անցնելու է վերոնշյալ երթուղին։
«Ռուսաստանի, Ադրբեջանի և Հայաստանի փոխվարչապետերի համանախագահությամբ տրանսպորտային և տնտեսական հաղորդակցությունների ապաշրջափակման եռակողմ աշխատանքային խմբի շրջանակներում ձեռք են բերվել բազմաթիվ կարևոր համաձայնություններ։ Դրանք պահպանել են իրենց արդիականությունը։ Հետևաբար, մենք հույս ունենք շարունակել արդյունավետ երկխոսությունը հայկական կողմի հետ այս և այլ թեմաների շուրջ», - ասել է Զախարովան։
