Քաբուլը շնորհակալություն է հայտնում Մոսկվային և մյուս մայրաքաղաքներին Աֆղանստանում երկրաշարժից տուժածներին ցուցաբերած մարդասիրական օգնության համար, «ՌԻԱ Նովոստի»-ին հայտնել է Աֆղանստանի իշխանությունների մամուլի քարտուղարի տեղակալ Համդուլլահ Ֆիտրատը։
«Շատ երկրներ, այդ թվում՝ Չինաստանը և Ռուսաստանը, հայտարարել են Աֆղանստանին ցուցաբերվող մարդասիրական աջակցության մասին։ Մենք շնորհակալ ենք նրանց աջակցության և մարդասիրական համերաշխության համար»,-ասել է նա։
Ֆիտրատի խոսքով՝ մարդասիրական օգնությունն արդեն հասցվել է Աֆղանստանի երկրաշարժից տուժած շրջաններ, և տուժածները արդեն սկսել են ստանալ սնունդ, խմելու ջուր և բժշկական օգնություն, ինչպես նաև ժամանակավոր կացարան։ Աֆղանստանի իշխանությունները նաև պլանավորում են փոխհատուցել բնակչության ֆինանսական կորուստները։
Ավելի վաղ Ռուսաստանի արտակարգ իրավիճակների նախարարությունը 20 տոննա մարդասիրական օգնության երկու խմբաքանակ էր հասցրել Աֆղանստանի երկրաշարժից տուժած բնակչությանը։
