Եվրամիությունն ու Միացյալ Նահանգները կարողացել են վերականգնել հարաբերությունների նախկին մակարդակը Դոնալդ Թրամփի՝ Սպիտակ տուն գալուց հետո՝ «շրջելով էջը» ընթացիկ տարվա դժվարին հարաբերություններում, Financial Times-ին ասել է Եվրոպական խորհրդի նախագահ Անտոնիո Կոշտան։
«Եթե հետ նայենք գրեթե ինը ամիս, բոլորը շատ վախեցած էին, հատկապես Միացյալ Նահանգների հետ մեր հարաբերությունների հարցում», - ասել է Կոշտան: Աղբյուրի խոսքով՝ ԱՄՆ նախագահի ԵՄ-ի մասին առաջին հայտարարությունները հիշեցնում էին նրա նախորդ հայտարարությունները: Այնուամենայնիվ, այդ ընթացքում Բրյուսելին «հաջողվեց կայունացնել տրանսատլանտյան կապերը»:
«Հիմա, կարծում եմ, մենք էջը շրջել ենք և պետք է հենվենք այս նոր կայունության վրա և սպասենք Միացյալ Նահանգների հետ մեր հարաբերությունների շարունակմանը», - ասել է Կոշտան։
Ավելի վաղ նա հայտարարել էր, որ ԵՄ ներկայացուցիչները մեկնում են ԱՄՆ՝ Ռուսաստանի դեմ պատժամիջոցները քննարկելու համար: Արևմտյան լրատվամիջոցների փոխանցմամբ՝ եվրոպացի առաջնորդները Թրամփի հետ հեռախոսազրույցի ժամանակ առաջարկել են համատեղ խորհրդակցություններ անցկացնել՝ Ռուսաստանի դեմ նոր պատժամիջոցները համակարգելու համար:
Մամուլում տեղ գտած տեղեկությունների համաձայն՝ Սպիտակ տան ղեկավարը հստակ պատասխան չի տվել։
