Փրկարարները գտել են Թուրքիայում Լիկիական ճանապարհով արշավելուց հետո անհետ կորած չինացի զբոսաշրջիկի մարմինը, հաղորդում է Milliyet թերթը։
Հրատարակության տվյալներով՝ 30-ամյա Շու Վենկայը անհետացել է օգոստոսի 25-ին՝ Ֆեթհիյե նահանգի լեռներում Լիկիական ճանապարհով զբոսնելուց հետո։ Ընտանիքը տագնապ է բարձրացրել, երբ տղամարդը դադարեցրել է շփվել։ Փրկարարները որոնողական աշխատանքների համար որպես հենակետ օգտագործել են արահետից արված վերջին լուսանկարը, որը զբոսաշրջիկը հրապարակել է սոցիալական ցանցերում։
«43 մարդ, ինչպես նաև շներ, փնտրում էին զբոսաշրջիկին, փրկարարները զբոսաշրջիկի մարմինը գտել են Թիթեռների հովտի և Քաբակ գյուղի միջև», -հաղորդում է թերթը։
Մահացածի դին ուղարկվել է դատաբժշկական փորձաքննության՝ մահվան պատճառը պարզելու համար։
