Սան Ֆրանցիսկոյի ժյուրին Google-ին մեղավոր ճանաչեց օգտատերերի գաղտնիության իրավունքները խախտելու մեջ և պարտավորեցրեց ընկերությանը վճարել 425.7 միլիոն դոլար փոխհատուցում խմբային հայցի շրջանակներում, հաղորդում է Bloomberg-ը։
Հայցը ներկայացվել է 2020 թվականին։ Մեղադրանքի կողմի պնդմամբ՝ սկսած 2016 թվականից, Google-ը շարունակել է տվյալներ հավաքել երրորդ կողմի հավելվածներից, նույնիսկ եթե օգտատերերը կարգավորումներում անջատել են «Վեբ և հավելվածների ակտիվություն» գործառույթը։ Ժյուրին ընկերությանը մեղավոր ճանաչեց գաղտնիության խախտման մեջ, սակայն մերժեց համակարգչային խարդախության մեղադրանքները։
Վճարման չափը զգալիորեն պակաս էր հայցվորների կողմից պահանջվող 31 միլիարդ դոլարից, սակայն դա անձնական տվյալների պաշտպանության գործերով ամենամեծ փոխհատուցումներից մեկն էր։
Սա արդեն երկրորդ խոշոր որոշումն է Google-ի դեմ այս ամառ։ Հուլիսին Կալիֆոռնիայի դատարանը պարտավորեցրեց կորպորացիային վճարել 314 միլիոն դոլար մեկ այլ խմբային հայցի շրջանակներում։ Այնուհետև Google-ը մեղավոր ճանաչվեց Android սարքերից բջջային ինտերնետային տրաֆիկի օգտագործման մեջ՝ առանց օգտատերերի համաձայնության, մասնավորապես՝ թիրախային գովազդ տեղադրելու համար օգտագործվող տեղեկատվություն հավաքելու համար։
Թարգմանությունը՝ Euromedia24.com-ի
