Լաոսը պատվիրակություն է ձևավորել՝ Միացյալ Նահանգների հետ առևտրային մաքսատուրքերի շուրջ բանակցություններ վարելու համար և նամակ է ուղարկել ԱՄՆ նախագահ Դոնալդ Թրամփին, հայտարարել է վարչապետ Սոնսայ Սիֆանդոնը Արևելյան տնտեսական ֆորումում «ՌԻԱ Նովոստի»-ին տված հարցազրույցում։
«Կառավարությունը ձևավորել է պատվիրակություն՝ ԱՄՆ-ի հետ բանակցություններ վարելու համար և նամակ է ուղարկել ԱՄՆ նախագահին, որ Լաոս-ԱՄՆ առևտրային հարաբերությունները արդար դարձնելու և այդ հարաբերությունները բնականոն հունով շարունակելու համար անհրաժեշտ են ավելի շատ բանակցություններ և տվյալների փոխանակումներ», - ասել է Սիֆհանդոնը, որը ֆորումի պատվավոր հյուրն է։
Տասներորդ Արևելյան տնտեսական ֆորումը տեղի է ունենում սեպտեմբերի 3-6-ը Վլադիվոստոկի Հեռավոր Արևելքի դաշնային համալսարանի տարածքում։ Այս տարի Արևելյան տնտեսական ֆորումի գլխավոր թեման է «Հեռավոր Արևելք՝ համագործակցություն խաղաղության և բարգավաճման համար»։
