Գերմանիայի Էսսեն քաղաքի քոլեջներից մեկում ուսանողը դանակահարել է ուսուցչին և փախել, ոստիկանությունը փնտրում է կասկածյալին, շենքը շրջափակված է, հաղորդում է Bild տաբլոիդը՝ հղում անելով ոստիկանությանը։
«Էսսենում ընթանում է ոստիկանության և արտակարգ ծառայությունների լայնածավալ գործողություն: Ոստիկանությունը տագնապ է հայտարարել մասնագիտական քոլեջում դանակով հարձակումից հետո», - գրում է Bild-ը:
Հրատարակության տվյալներով՝ աշակերտուհին դանակահարել է ուսուցչի որովայնին, նա գտնվում է ծանր վիճակում, նրան նշանակվել է շտապ վիրահատություն։ Դեռևս պարզ չէ՝ արդյոք նրա կյանքին վտանգ է սպառնում, թե ոչ։
Կասկածյալը փախուստի է դիմել, չնայած անհայտ է, թե արդյոք նա հարձակվել է այլ մարդկանց վրա, թե ոչ։ Շենքը շրջափակված է իրավապահ մարմինների աշխատակիցների կողմից, ներգրավված է ոստիկանական ուղղաթիռ։
Էսսենի ոստիկանությունը խնդրում է բնակիչներին հնարավորության դեպքում խուսափել այդ տարածքից։ Դեռևս պարզ չէ՝ վտանգ կա՞ բնակչության համար, թե՞ ոչ։
