ԱՄՆ նախագահ Դոնալդ Թրամփը մամուլի համար հայտարարություն կանի տեղական ժամանակով 16:00-ին: Ամերիկացի առաջնորդի ժամանակացույցը տարածել է Սպիտակ տան մամուլի ծառայությունը:
Հայտարարության թեման չի բացահայտվում։
Ավելի վաղ Fox News-ը, հղում անելով Սպիտակ տան աղբյուրին, հայտնել էր, որ Թրամփը սեպտեմբերի 5-ին կստորագրի գործադիր հրամանագիր՝ ԱՄՆ Պաշտպանության նախարարությանը «Պատերազմի նախարարություն» անվանումը վերադարձնելու մասին:
Հեռուստաալիքի տվյալներով՝ գերատեսչության ղեկավար Փիթ Հեգսեթը կկոչվի ոչ միայն Պաշտպանության նախարար, այլև Պատերազմի նախարար:
Միացյալ Նահանգների Պատերազմի նախարարությունը գոյություն է ունեցել 1789 թվականից մինչև 1947 թվականը, երբ այն վերափոխվել է ազգային ռազմական գործակալության: 1949 թվականին այն վերանվանվել է Պաշտպանության նախարարություն:
