Ֆրանսիայի նախագահ Էմանուել Մակրոնի վարկանիշը հասել է ռեկորդային ցածր մակարդակի 2017 թվականին նրա ընտրությունից ի վեր, ցույց են տվել Verian հասարակական կարծիքի հարցման ծառայության կողմից Le Figaro ամսագրի պատվերով անցկացված հարցման արդյունքները։
Նշվում է, որ ֆրանսիացի հարցվածների միայն 15%-ն է հավանություն տալիս Մակրոնի գործունեությանը որպես պետության ղեկավար։ Միաժամանակ, 80%-ը չի վստահում նրան, իսկ հարցման մասնակիցների ևս 5%-ը դժվարացել է պատասխանել։
Ըստ Le Figaro ամսագրի՝ քաղաքական գործչի վարկանիշն ավելի ցածր է, քան 2018 թվականի ձմռանը։ Դա «դեղին բաճկոնների» ճգնաժամի գագաթնակետն էր, երբ ֆրանսիացիների 20%-ը հավանություն էր տալիս Մակրոնի գործունեությանը։
Նշվում է, որ հարցումն անցկացվել է առցանց հարցաթերթիկի միջոցով, որին մասնակցել է 18 տարեկանից բարձր 1000 մարդ։
