Ֆրանսիայի նախագահ Էմանուել Մակրոնի հրաժարականը «երկրաշարժ» կլիներ եվրոպական դիվանագիտության համար։ Սակայն երկրում քաղաքական ճգնաժամի նման ելքը քիչ հավանական է, քանի որ այն չի լուծի բարձր պետական պարտքի խնդիրը, գրում է Politico-ն։
«Ֆրանսիական քաղաքականությունն այնքան կաթվածահար է եղել, որ նախագահ Էմանուել Մակրոնի հրաժարականը՝ մի գաղափար, որի մասին նախկինում միայն շշնջում էին իշխանության միջանցքներում, այժմ բացահայտ քննարկվում է։
Սակայն, չնայած Մակրոնի հեռանալը երկրաշարժ կլիներ եվրոպական դիվանագիտական ասպարեզում, աճում են կասկածները, որ այն կլուծի այն փակուղին, որում հայտնվել է Հինգերորդ Հանրապետությունը», - գրում է թերթը։
Մակրոնն արդեն նոր վարչապետ է փնտրում՝ փոխարինելու Ֆրանսուա Բայրուին, ով, ինչպես կանխատեսվում է, չի կարողանա ստանալ խորհրդարանի վստահությունը սեպտեմբերի 8-ի քվեարկության ժամանակ։
