Լեհաստանի կողմից 32 ամերիկյան F-35 կործանիչների գնումը կասեցվել է՝ մինչև երկրի պաշտպանական կարողությունների բարձրացման նոր ծրագրի մշակումը, հաղորդում է Breaking Defense-ը՝ հղում անելով Լեհաստանի զինված ուժերի գլխավոր հրամանատարի տեղակալ Ցեզարի Վիշնևսկուն։
«Լեհաստանի համար առաջնահերթությունը մնում է «կարճաժամկետ հեռանկարում ավելի շատ կործանիչներ» ձեռք բերելը, սակայն 32 նոր կործանիչներ ձեռք բերելու ցանկացած քայլ կասեցված է մինչև նոր երկարաժամկետ պաշտպանական հզորացման ծրագրի հաստատումը», - ասվում է հրատարակության մեջ։
Վիշնևսկու խոսքով՝ այս փաստաթուղթը պետք է հաստատվի մի քանի ամսվա ընթացքում։
2019 թվականի մարտին Լեհաստանի պաշտպանության նախարարության ղեկավարը ստորագրեց երկրի զինված ուժերի տեխնիկական արդիականացման ծրագիր մինչև 2026 թվականը։ Այն նախատեսում է մինչև 2026 թվականը 32 հինգերորդ սերնդի F-35 ինքնաթիռի ձեռքբերում։ 2024 թվականի օգոստոսին Լեհաստանի պաշտպանության նախարարությունը հայտարարեց առաջին F-35-ների ստացման մասին, սակայն նշեց, որ դրանք Լեհաստան կժամանեն միայն 2026 թվականին։
