Ռուսաստանի նախագահ Վլադիմիր Պուտինը Հյուսիսային Կորեայի առաջնորդ Կիմ Չեն Ընին հրավիրել է Ռուսաստան։
Ավելի վաղ Ռուսաստանի նախագահը և ԿԺԴՀ-ի առաջնորդը ավարտել էին բանակցությունները Պեկինում, նրանց հանդիպումը տևել էր 2,5 ժամ։
«Եկեք մեզ մոտ», - ասել է Պուտինը Կիմ Չեն Ընին, երբ Ռուսաստանի առաջնորդը իր հյուսիսկորեացի գործընկերոջը ուղեկցում էր դեպի նրա մեքենան։
Չորեքշաբթի օրը Պուտինը և Կիմ Չեն Ընը, այլ պետությունների ղեկավարների հետ, մասնակցել են Չինաստանի ժողովրդի դիմադրության պատերազմում ճապոնական ագրեսիայի և Երկրորդ համաշխարհային պատերազմի հաղթանակի 80-ամյակին նվիրված հանդիսավոր միջոցառումներին:
Ռուսաստանի և ԿԺԴՀ-ի առաջնորդները մասնակցել են Տյանանմեն հրապարակում կայացած ռազմական շքերթին և Ժողովրդի մեծ դահլիճում կազմակերպված ընդունելությանը:
