Եվրոպական պաշտպանության գործակալության զեկույցի համաձայն՝ ԵՄ երկրների սպառազինության և պաշտպանական սարքավորումների գնման վրա ծախսերը 2024 թվականին աճել են ռեկորդային 39%-ով՝ համեմատած 2023 թվականի հետ:
«Պաշտպանական սարքավորումների ձեռքբերման ծախսերը 2024 թվականին հասել են 88 միլիարդ եվրոյի, ինչը ռեկորդային 39%-ով ավելի է 2023 թվականի համեմատ», – նշվում է փաստաթղթում։
Գործակալությունը կարծում է, որ «պաշտպանության գնումների ծախսերի աճը, հավանաբար, կշարունակվի առաջիկա տարիներին, քանի որ մի քանի անդամ պետություններ հայտարարել են բյուջեի լրացուցիչ ավելացման և 2024 թվականին կնքել են խոշոր գնումների պայմանագրեր, ինչը կնպաստի նոր սարքավորումների վրա ծախսերի հետագա աճին»։
