Ռուսաստանի և Ուկրաինայի պատվիրակությունների մակարդակը բարձրացնելու գաղափարի վերաբերյալ մամուլում ներկայումս շրջանառվող հաղորդագրությունները լիովին չեն համապատասխանում այն թեմային ինչի մասին խոսել են Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը, ասել է Ռուսաստանի առաջնորդի օգնական Յուրի Ուշակովը։
«Այս գաղափարը քննարկվել է հեռախոսազրույցի ժամանակ (Պուտինի և Թրամփի միջև - խմբ.), ապա այն շոշափվել է Անքորիջում կայացած զրույցի ժամանակ։ Ամերիկացիները մեզ ասացին, որ նրանք նույնպես կքննարկեն այս հարցը միմյանց միջև, ապա կներկայացնեն որոշակի կոնկրետ առաջարկներ», - ասել է Ուշակովը «Ռոսիա 1»-ի լրագրող Պավել Զարուբինին՝ մեկնաբանելով Ռուսաստանի և Ուկրաինայի պատվիրակությունների մակարդակը բարձրացնելու գաղափարը։
Երբ նրան խնդրել են պարզաբանել, թե արդյոք արդեն կան նման կոնկրետ առաջարկներ, նա պատասխանել է. «Ոչ, մինչ այժմ մամուլում շրջանառվողը այն չէ, ինչի մասին մենք այնտեղ համաձայնության ենք եկել»։ «Այժմ բոլորը խոսում են եռակողմ հանդիպման, Պուտինի և Զելենսկու միջև հանդիպման մասին։ Բայց որքանով ես գիտեմ, Պուտինի և Թրամփի միջև այս հարցում որևէ համաձայնություն չի եղել», - հավելել է Ռուսաստանի նախագահի օգնականը։ Օգոստոսի 15-ին Ալյասկայում տեղի ունեցան Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի բանակցությունները։ Առաջնորդները հանդիպեցին Անքորիջի Էլմենդորֆ-Ռիչարդսոն ռազմաբազայում։ Նեղ կազմով բանակցությունները տեղի ունեցան «երեքը երեքի վրա» ձևաչափով և տևեցին երկու ժամ 45 րոպե։ Ռուսական կողմից հանդիպմանը մասնակցեցին Ռուսաստանի արտաքին գործերի նախարար Սերգեյ Լավրովը և Ռուսաստանի նախագահի օգնական Յուրի Ուշակովը։ ԱՄՆ-ն ներկայացրեցին պետքարտուղար Մարկո Ռուբիոն և ԱՄՆ առաջնորդի հատուկ ներկայացուցիչ Սթիվեն Վիտկոֆը։
Թարգմանությունը՝ Euromedia24.com-ի
