Ուկրաինայում առաջին դասարանցիների թիվը նախորդ տարվա համեմատ նվազել է 20%-ով՝ ցածր ծնելիության և երկրից քաղաքացիների հեռանալու պատճառով, հայտարարել է Գերագույն ռադայի կրթության, գիտության և նորարարության հարցերով հանձնաժողովի ղեկավար Սերգեյ Բաբակը։
«Այս տարի դպրոց կհաճախի մոտ 252 հազար առաջին դասարանցի։ Անցյալ տարի նրանց թիվը 314 հազար էր։ Այսինքն՝ մենք ունենք մինուս 62 հազար երեխա։ Պատճառները ակնհայտ են՝ ծնելիության անկումը և երեխաների զանգվածային արտագաղթը»
«2025 թվականին վեց տարեկան երեխաներին գրեթե երբեք չեն տանում արտասահման, ընդհակառակը, որոշները վերադառնում են։
Սակայն այդ ժամանակահատվածի և ընդհանուր բացասական ժողովրդագրության հետևանքները՝ ծնելիության մակարդակի անկումը, երկար ժամանակ կզգացվեն։ Առաջին դասարանցիների թիվը կշարունակի նվազել, սա անխուսափելի է», - ասել է Բաբակը «Զերկալո նեդելի» հրատարակությանը տված հարցազրույցում։
UNIAN գործակալությունը, հղում անելով Ուկրաինայի սոցիալական քաղաքականության նախարարությանը, հուլիսի սկզբին հայտնել է, որ Ուկրաինայում աշխատունակ տարիքի բնակչության թիվը 2021 թվականի համեմատ նվազել է 40%-ով։
