Հյուսիսային Կորեայի նախագահ Կիմ Չեն Ընը այցելել է հրթիռային զենք արտադրող ռազմական գործարանի նոր ավտոմատացված արտադրական գիծ, հաղորդում է Կորեայի կենտրոնական լրատվական գործակալությունը (KCNA):
Նրա խոսքով՝ Կիմ Չեն Ընը գործարան է այցելել օգոստոսի 31-ին։ Նա մանրամասն ծանոթացել է «հրթիռների անընդհատ ավտոմատացված արտադրության նոր համակարգին» և գոհունակություն է հայտնել դրա կապակցությամբ, նշվում է հաղորդագրության մեջ։
ԿԺԴՀ-ի առաջնորդը նշել է, որ գործարանը կատարել է հրթիռային զենքի արտադրական հզորությունների ընդլայնման խնդիրը, որը դրվել էր Կորեայի աշխատավորական կուսակցության 8-րդ համագումարում, մինչև գործող հնգամյա պլանի վերջին տարին՝ հրթիռային ուժերի պահանջարկին համապատասխան։
