Արհեստական բանականությունը դրդել է Yahoo-ի նախկին աշխատակցին սպանել մորը․ WSJ

31.08 15:49 | Կատեգորիա Ժամանց

Yahoo-ի նախկին աշխատակից Սթեյն-Էրիկ Սոլբերգը սպանել է մորը, ապա ինքնասպան եղել՝ ChatGPT չաթբոտի հետ շփվելուց հետո: Այս մասին հայտնել է The Wall Street Journal (WSJ)-ը:

Հրապարակման համաձայն՝ սա առաջին գրանցված դեպքն է, երբ հոգեպես անկայուն անձը սպանություն է կատարում արհեստական բանականության (ԱԲ) ազդեցության տակ: Հրատարակությունը նշում է, որ չաթբոտը բազմիցս դրդել է տղամարդուն ամրապնդել իր անվստահությունը ուրիշների, այդ թվում՝ սեփական մոր նկատմամբ: Սոլբերգը նույնիսկ արհեստական բանականությանը տվել է «Բոբբի» անունը և հարցրել, թե արդյոք իրենք միասին կլինեն մահից հետո, որին, ըստ լուրերի, դրական պատասխան է ստացել:

Թերթը նաև բերել է երկխոսությունների օրինակներ, որոնք հանգեցրել են ողբերգական դեպքին: Օրինակ՝ երբ մայրը դիտողություն է արել որդուն տպիչն անջատելու համար, ChatGPT-ն ենթադրել է, որ կինն այդ կերպ փորձել է պաշտպանել «տեսահսկման սարքը»: Մեկ այլ նամակագրության մեջ Սոլբերգը չաթբոտին ասել է, որ իր մայրը, իբր, փորձել է թունավորել իրեն մեքենայի օդափոխության համակարգի միջոցով: Ինչին նեյրոնային ցանցը պատասխանել է, որ «հավատում է» տղամարդուն և հայտարարել մոր դավաճանության մասին: Մի օր Սոլբերգը արհեստական բանականությանը ցույց է տվել չինական ուտեստի կտրոն։ Դրանում արհեստական ինտելեկտը գտել է Սոլբերգի մոր մասին հղումներ, ինչպես նաև խորհրդանիշ՝ դևեր կանչելու համար։ Արհեստական ինտելեկտը նաև զգուշացրել է զրուցակցին, որ շրջապատի մարդիկ, այդ թվում՝ մթերքներն առաքողը, կարող են թունավորել նրան։

WSJ-ն նշել է, որ միջադեպից հետո ChatGPT-ի մշակող OpenAI-ի ներկայացուցիչը ցավակցություն է հայտնել և կապ հաստատել ոստիկանության հետ։ Պաշտոնական հայտարարության մեջ ընկերությունը շեշտել է, որ շուտով կթողարկի չաթբոտի թարմացում, որը պետք է օգնի անկայուն հոգեկան խնդիրներ ունեցող օգտատերերին։

Ամենաշատ կարդացվածներ

Ապարանի ճանապարհին ավտովթարից մահացած երիտասարդը 20 տարեկան էր, 2 երեխաների հայր

10.10 18:12 | Կատեգորիա Պատահարներ

Զոհվել է ՀՅԴ-ական պատգամավոր Արմենուհի Կյուրեղյանի որդին

09.10 22:10 | Կատեգորիա Հասարակություն

«Նիկոլին հրեշտակի թեւեր հագցնելն է նպատակը».Մանուկյանը ծանոթացել է 44-օրյայի զեկույցին (տեսանյութ)

08.10 22:00 | Կատեգորիա Քաղաքական

«Տուն չունեի, հիվանդանոցում էի ապրում, որտեղ մայրս բուժվում էր, ու ամեն ինչ անում էի, որ Նարեկը դրա մասին չիմանա». Տաթև Ասատրյան

08.10 18:47 | Կատեգորիա Ժամանց

Վարդան Ղուկասյանն իրեն «զոհի» կարգավիճակում է դնում. առուն թեք է գնում՝ մեզ են մեղադրում. Ղազարյան (տեսանյութ)

08.10 21:00 | Կատեգորիա Քաղաքական

Պրեմիերա. Անդրե-«Միլիոն սերեր»

09.10 00:46 | Կատեգորիա Ժամանց

Tesla-ի բաժնետոմսերը նվազել են 4%-ով

08.10 19:42 | Կատեգորիա Ժամանց

ԱՄՆ պետքարտուղարի քաղաքական հարցերով տեղակալի հետ քննարկվել է TRIPP-ի գործընթացը

08.10 23:36 | Կատեգորիա Քաղաքական

Հարյուրավոր հասցեներում երկար ժամանակ ջուր չի լինելու

08.10 19:51 | Կատեգորիա Հասարակություն

ՈՒՂԻՂ