Թուրքիայի իշխանությունները արգելել են թուրքական նավերի մուտքը Իսրայելի նավահանգիստներ և փակել են երկինքը իսրայելական ինքնաթիռների համար, հայտարարել է Թուրքիայի արտգործնախարար Հաքան Ֆիդանը երկրի խորհրդարանում ունեցած ելույթի ժամանակ:
Պատգամավորները հավաքվել էին արտահերթ նիստի՝ Գազայի հատվածում ստեղծված իրավիճակի պատճառով:
«Թուրքիան դադարեցրել է Իսրայելի հետ ամբողջ առևտուրը, թույլ չի տալիս թուրքական նավերին մտնել Իսրայելի նավահանգիստներ և փակել է իր օդային տարածքը իսրայելական ինքնաթիռների համար», – նախարարի խոսքերն է մեջբերում «Անադոլու» գործակալությունը։
