Ռուսաստանի հավաքականի նախկին կիսապաշտպան Իգոր Սեմշովը «РБ Спорт»-ի հետ զրույցում կարծիք է հայտնել Էդուարդ Սպերցյանի՝ «Սաութհեմփթոն» չտեղափոխվելու որոշման մասին։
Ավելի վաղ հայտնի էր դարձել, որ Անգլիայի Չեմպիոնշիփում հանդես եկող ակումբը առաջարկ էր արել «Կրասնոդարին», սակայն ֆուտբոլիստը մերժել էր տեղափոխությունը։
«Սպերցյանը ճիշտ արեց, որ չգնաց Չեմպիոնշիփ։ Ասում են, որ այնտեղ լիգան ավելի խաղային է դարձել, բայց կան հարցեր կարգավիճակի հետ կապված։
Ռուսաստանի առաջնության առաջատար ֆուտբոլիստներից մեկը կարող էր հայտնվել առաջին լիգայում։ Ինչո՞ւ։ Եթե կա վստահություն սեփական ուժերի նկատմամբ և Եվրոպայում խաղալու ցանկություն, ապա առաջարկ այնտեղից անպայման կլինի», – ասել է Իգոր Սեմշովը։
