Իրանը և ԵՄ եռյակի երկրները՝ Մեծ Բրիտանիան, Գերմանիան և Ֆրանսիան, չեն կարողացել համաձայնության գալ Իսլամական Հանրապետության դեմ պատժամիջոցների վերսկսումը կանխելու հարցում Ժնևում միջուկային դոսիեի շուրջ բանակցությունների հերթական փուլից հետո, հաղորդում է Associated Press-ը՝ հղում անելով դիվանագիտական աղբյուրին։
Նա ասել է, որ Շվեյցարիայում բանակցությունները «ավարտվել են առանց վերջնական արդյունքի»։
Կողմերը չեն կարողացել համաձայնության գալ Իրանի դեմ 2015 թվականի համաձայնագրով չեղարկված պատժամիջոցների վերահաստատումը կանխելու հարցում։Արտաքին քաղաքականության գերատեսչությունների ղեկավարների տեղակալների մակարդակով հանդիպման ժամանակ քննարկվել է «եվրոպական եռյակի» պահանջը, որի համաձայն՝ Իրանը պետք է վերականգնի ՄԱԳԱՏԷ-ի տեսուչների մուտքը իր միջուկային օբյեկտներ, ինչպես նաև վերսկսի դիվանագիտական բանակցությունները՝ իրանական միջուկային ծրագրի վերաբերյալ նոր համաձայնագրի հասնելու համար։Հակառակ դեպքում, Թեհրանը կանգնած է պատժամիջոցների վերականգնման ռիսկի առջև։
Խորհրդակցություններից հետո Իսլամական Հանրապետության փոխարտգործնախարար Քազեմ Ղարիբաբադին հայտարարել է, որ Իրանը շարունակում է մնալ դիվանագիտության և վիճելի հարցերի փոխշահավետ լուծման կողմնակից:
