Անգլիայի Պրեմիեր լիգայի երկրորդ տուրի վերջին խաղում «Լիվերպուլը» մրցակցի դաշտում դրամատիկ պայքարում հաղթել է «Նյուքասլին»։ Խաղն ավարտվել է 3-2 հաշվով:
35-րդ րոպեին հյուրերից հաշիվը բացել է Ռայան Գրավենբերխը, 45+3-ին Վիրջիլ վան Դեյկի դեմ պայքարում տանտերերից բաց ոտքով սահանկման համար կարմիր քարտ է ստացել Էնթոնի Գորդոնը, երկրորդ խաղակեսի մեկնարկին Ուգո Էկիտիկեն կրկնապատկել է Սլոթի թիմի առավելությունը: Չնայած դրան՝ Էդի Հաուի թիմը 10 ֆուտբոլիստով երկու գոլ է խփել և դրամատիկ վերջաբան ապահովել: Նախ` 57-րդ րոպեին Բրունո Գիմարայենսը կրճատել է հաշիվը, իսկ 88-րդ րոպեին Ուիլյամ Օսուլան հավասարեցրել է այն:
Ավելացված ժամանակի 10-րդ րոպեին «Լիվերպուլին» հաղթանակ է պարգևել անգլիացի 16-ամյա հարձակվող Ռիո Նգումոան:
«Լիվերպուլը» 6 միավորով հավասարվել է առաջատարներ «Արսենալին» և «Տոտենհեմին», «Նյուքասլը» մեկ միավորով 15-րդն է:
