Մեկնաբանելով Ուկրաինայում խաղաղ կարգավորման հասնելու ջանքերի առաջընթացը և Ռուսաստանի դեմ նոր պատժամիջոցներ սահմանելու հնարավորությունը, եթե այն չցանկանա նպաստել խաղաղ կարգավորման գործընթացին, ԱՄՆ-ի նախագահ Դոնալդ Թրամփը հայտարարել է, որ այդ հարցում միջոցառումների վերաբերյալ որոշում կկայացնի երկու շաբաթվա ընթացքում, տեղեկացնում է Deutsche Welle-ն։ Դոնալդ Թրամփն ասել է, որ Միացյալ Նահանգները կարող է մեծածավալ պատժամիջոցներ կիրառել Ռուսաստանի նկատմամբ կամ ոչինչ չանել։ «Տանգոյի համար երկուսն են պետք»,-հավելել է Թրամփը։
Նշվում է, որ ամերիկացի առաջնորդը Սպիտակ տուն է եկել լրագրողների հետ խոսելու՝ կրելով «Թրամփն ամեն ինչի մասին ճիշտ էր» գրությամբ գլխարկ։
