ՆԱՏՕ-ն չի քննարկում Ուկրաինա ռազմական զորքեր ուղարկելու հարցը՝ անվտանգությունը երաշխավորելու համար, Corriere della Sera թերթին տված հարցազրույցում հայտարարել է ՆԱՏՕ-ի ռազմական կոմիտեի ղեկավար Ջուզեպպե Կավո Դրագոնեն։
«Մենք՝ ՆԱՏՕ-ում չենք խոսել անվտանգության երաշխիքների ապահովման շրջանակներում ռազմական կոնտինգենտներ ուղարկելու մասին, այդ հարցը չի բարձրացվել», - ասել է ռազմական առաջնորդը՝ նշելով, որ սա «քաղաքական հարց է Մոսկվայի հետ բանակցություններում»։
Միաժամանակ, նա հաստատել է ՆԱՏՕ-ի լիակատար հանձնառությունը Կիևին աջակցելու հարցում։ Ռազմական կոմիտեի ղեկավարը մանրամասնել է, որ 2024 թվականին
ՆԱՏՕ-ի երկրներից Ուկրաինային տրամադրվող ռազմական օգնության ծավալը հասել է 50 միլիարդ դոլարի, իսկ այս տարվա հունվարից՝ արդեն 33 միլիարդ դոլարի, իսկ տարեվերջին այդ գումարները պետք է հասնեն անցյալ տարվա մակարդակին։
