Գազայի սովը կարող էր կանխվել, եթե Իսրայելը համակարգված խոչընդոտներ չառաջացներ, հայտարարել է ՄԱԿ-ի մարդասիրական հարցերով գլխավոր քարտուղարի տեղակալ և արտակարգ օգնության համակարգող Թոմ Ֆլետչերը։
«Այս սովը կարող էր կանխվել, եթե մեզ թույլատրվեր։ Սակայն սահմանների մոտ սնունդը կուտակվում է Իսրայելի կողմից համակարգված խոչընդոտների պատճառով։ Սա սով է սնունդից մի քանի հարյուր մետր հեռավորության վրա», - ուրբաթ օրը լրագրողներին ասել է Ֆլետչերը։
Նրա խոսքով՝ «որոշ իսրայելցի առաջնորդներ սովը որպես պատերազմի գործիք են օգտագործում»։
Մի օր առաջ Մերձավոր Արևելքում Պաղեստինի փախստականների հարցերով ՄԱԿ-ի օգնության և աշխատանքների գործակալության (UNRWA) գլխավոր հանձնակատար
Ֆիլիպ Լազարինին հայտնել էր, որ Գազայում երեխաների շրջանում սովի մակարդակը վեց ամսվա ընթացքում եռապատկվել է, ընդ որում՝ Գազայում յուրաքանչյուր երրորդ երեխան թերսնված է։
