Բելգիան մտադիր է մինչև 2035 թվականը ռազմական կարիքների համար հատկացնել 140 միլիարդ եվրո, որից 34 միլիարդ եվրոն կծախսվի նոր զենքի, այդ թվում՝ ինքնաթիռների, նավերի և անօդաչու համակարգերի ձեռքբերման վրա։
Այս մասին ասվում է Բելգիայի պաշտպանության նախարարության կողմից հրապարակված «Ռազմավարական տեսլական» փաստաթղթում, որը մշակվել է երկրի պաշտպանության նախարար, ֆլամանդացի ազգայնական Թեո Ֆրանկենի ղեկավարությամբ։
«Մինչև 2035 թվականը պաշտպանության կարիքների համար կհատկացվի 140 միլիարդ եվրո։ 34 միլիարդ եվրո կհատկացվի նոր ռազմական կարողությունների ձեռքբերմանը», - ասվում է փաստաթղթում։
