Բենիամին Նեթանյահուն քննարկում է Գազայի հատվածում արմատականների կողմից պահվող բոլոր պատանդների ազատ արձակման շուրջ բանակցությունները վերսկսելու համար իսրայելական պատվիրակություն Կատար կամ Եգիպտոս ուղարկելու որոշումը։
Այս մասին ՏԱՍՍ-ին հայտնել է Դմիտրի Գենդելմանը, որը հրեական պետության վարչապետի գրասենյակի խորհրդականն է։ «Կատար կամ Եգիպտոս պատվիրակություն ուղարկելու հարցը քննարկվում է վարչապետի և կաբինետի կողմից»,-ասել է նա՝ ի պատասխան այս հարցի։
Ynet պորտալը, հղում անելով իսրայելական աղբյուրին, հաղորդում է, որ Իսրայելը դեռևս պատվիրակություն չի ուղարկել Դոհա կամ Կահիրե, այն բանից հետո, երբ Նեթանյահուն, Գազայի հատված կատարած այցի ժամանակ, հայտարարեց, որ հրամայել է անհապաղ սկսել բանակցություններ բոլոր պատանդների ազատ արձակման և պատերազմի դադարեցման վերաբերյալ՝ Իսրայելի համար ընդունելի պայմաններով։
