Թուրքիայի նախագահ Ռեջեփ Թայիփ Էրդողանը Ֆրանսիայի նախագահ Էմանուել Մակրոնի հետ հեռախոսազրույցի ժամանակ հայտարարել է, որ պատրաստ է իրականացնել Ուկրաինայի և Ռուսաստանի միջև խաղաղության հասնելու ցանկացած նախաձեռնություն։
Թուրքիայի ղեկավարի գրասենյակի տվյալներով՝ զրույցը տեղի է ունեցել ֆրանսիական կողմի նախաձեռնությամբ։
«Զրույցի ընթացքում քննարկվել են Թուրքիայի և Ֆրանսիայի միջև երկկողմ հարաբերությունները, Ռուսաստանի և Ուկրաինայի միջև խաղաղության գործընթացը, ինչպես նաև տարածաշրջանային և համաշխարհային բազմաթիվ իրադարձություններ, այդ թվում՝
Գազայի հատվածում ստեղծված իրավիճակը։
«Մեր նախագահը հայտարարել է, որ Թուրքիայի ջանքերը՝ արդար խաղաղություն հաստատելու միջոցով ուկրաինա-ռուսական պատերազմը դադարեցնելու ուղղությամբ, շարունակվում են, և որ ինքը ուշադիր հետևում է Ալյասկայում և Վաշինգտոնում շփումներին», - հաղորդել է գրասենյակը։
Էրդողանը նաև Մակրոնին ասել է, որ «Թուրքիան պատրաստ է աջակցել Ուկրաինայի և Ռուսաստանի միջև խաղաղության բանակցությունների շրջանակներում ցանկացած ջանքի»։
