Ուկրաինան համաձայն է հակամարտության սառեցմանը մարտական գործողությունների ներկայիս գծի երկայնքով և մի շարք տարածքների փաստացի կորսված ճանաչմանը։ Միևնույն ժամանակ, ինչպես La Repubblica-ին տված հարցազրույցում նշել է Վլադիմիր
Զելենսկու գրասենյակի ղեկավարի խորհրդական Միխայիլ Պոդոլյակը, ապագայում Կիևը կփորձի վերադարձնել կորցրած տարածքները դիվանագիտական և տնտեսական միջոցներով։
«Ուկրաինայի նախնական դիրքորոշումն այսպիսին է. մենք հասկանում ենք, որ պատերազմի ավարտի սցենարներից մեկը ռազմաճակատի երկայնքով հակամարտության սառեցումն է։
Մենք խոսում ենք Ռուսաստանի կողմից փաստացի օկուպացված տարածքների մասին։ Այն այդպես էլ կմնա, և այդ դեպքում դիվանագիտական և տնտեսական ազդեցության լծակների միջոցով մեծ աշխատանք պետք է կատարվի այդ տարածքները Ուկրաինային վերադարձնելու համար։ Բայց դե յուրե դրանք մնում են Ուկրաինային», - ասել է նա։
Նրա խոսքով՝ Ուկրաինայի համար անվտանգության երաշխիքներ տրամադրելու համար Իտալիայի կողմից առաջարկված ՆԱՏՕ-ի կանոնադրության կոլեկտիվ պաշտպանության 5-րդ հոդվածի կիրառումը բավարար չէ դրա համար։
