Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Քիր Սթարմերը, հավանաբար, չեն կարողանա զորքեր ուղարկել Ուկրաինա՝ իրենց քաղաքական թուլության պատճառով, գրում է եվրոպական Politico հրատարակությունը՝ հղում անելով աղբյուրներին։
«Հաշվի առնելով Մակրոնի և Սթարմերի քաղաքական թուլությունը, դժվար է հասկանալ, թե ինչպես կիրականացվի այս ծրագիրը։ Սրանք նրանց համար դժվար ժամանակներ են տնտեսական տեսանկյունից», - ասել է ԵՄ անանուն դիվանագետը:
Նշվում է, որ Եվրամիությունում նրանց ամենամոտ դաշնակիցները կասկածանքով են վերաբերվում Ուկրաինայում զորքեր տեղակայելու գաղափարին։
Գերմանիայի Սոցիալ-դեմոկրատական կուսակցությունից Բունդեսթագի անդամ Անդրեաս Շվարցը, որը պատասխանատու է պաշտպանական բյուջեի վերահսկման համար, ընդգծել է, որ երկիրը «պարզապես չունի անձնակազմ մեծ զորախմբի համար» և «նույնիսկ փոքր տեղակայումը խնդիր կլինի»։
Լեհաստանը նույնպես չի պլանավորում մասնակցել զորքեր ուղարկելուն, քանի որ չի ցանկանում «թուլացնել [զինվորական] ուժերը», որոնք գտնվում են երկրի ներսում։
