Ամառը մոտենում է իր ավարտին, բայց հրդեհների վտանգը չի նվազում. էկոպարեկային ծառայությունը զգուշացնում է

ՀՀ ՇՄՆ էկոպարեկային ծառայությունից հայտնում են․«Գիտե՞ք, որ անտառային հրդեհը կարող է անցնել լեռնային տարածքներով թռիչքաձև արագությամբ` հասնելով մինչև 22 կմ/ժամ տարածման արագության։2018-ին Կալիֆորնիայում «Camp Fire»-ը մեկ օրում անցավ ավելի քան 30 կմ՝ ոչնչացնելով հսկայական տարածքներ։Որոշ սոճիներ իրենց կոներն ու սերմերը բացում են միայն կրակի շիկացած ջերմության տակ։Հյուսիսային Ամերիկայի սոճիների որոշ տեսակներ առանց հրդեհի չի կարող նոր սերունդ տալ։Ամենահզոր հրդեհները երբեմն ստեղծում են իրենց սեփական ամպերը, որոնք կայծակնահարում են ու վառում նոր տարածքներ։2021-ին Կանադայում գրանցված հսկայական հրդեհն առաջացրեց փոթորկային ամպ (pyrocumulonimbus) կամպիրոկումուլոնիմբուս ամպ, որի կայծակներն առաջացրին նոր հրդեհներ հարյուրավոր կիլոմետրերի վրա։Կան հրդեհներ, որոնք երբեք չեն մարում․ Ալյասկայում հայտնի են «զոմբի հրդեհները»․ նրանք ձմռանը թաքնվում են հողի տակ և գարնանը նորից բռնկվում։2020-ին գիտնականները գտան կրակ, որ ողջ ձմեռ մնացել էր հողի մեջ և գարնանը նորից բոցավառվեց։Ավստրալիայում որոշ գիշատիչ թռչունների դիտարկման ժամանակ պարզվել է, թե ինչպես են նրանք կրակի մարող ճյուղերը տանում չայրված տարածքներ։Տեղի բնակիչները նրանց անվանում են «կրակակիր թռչուններ», քանի որ օգնում են կրակին տարածվել՝ որսը հեշտացնելու համար։Հայաստանում ևս հրդեհները վտանգավոր են․ օրինակ՝ Խոսրովի անտառում 2017թ. հրդեհը ոչնչացրեց շուրջ 1600 հա անտառ, իսկ դրա վերականգնումը տևելու է տասնամյակներ։Ամառը մոտենում է իր ավարտին, բայց հրդեհների վտանգը չի նվազում։Էկոպարեկային ծառայությունը հիշեցնում է․Արձանագրի´ր ցանկացած հրդեհի նշան և անմիջապես ահազանգի´ր 1-07Պահպանի´ր բնությունը՝ չթողնելով վտանգավոր նյութեր կամ բաց կրակ անտառներում։Մեր անտառները, բուսական և կենդանական աշխարհը մեր ձեռքերում են։Կրակը չի սպասում․ զգոն եղի´ր այսօր, փրկի´ր անտառը վաղը»։