Ռուսաստանի նախագահ Վլադիմիր Պուտինը ուժեղ դիրքում է ԱՄՆ նախագահ Դոնալդ Թրամփի հետ հանդիպումից առաջ, քանի որ ռուս առաջնորդին հաջողվել է քաղաքական առավելություն ստանալ՝ «առանց որևէ զիջման գնալու», ըստ լիբանանյան «Ալ Նահար» թերթի հաղորդագրության։
«Դեռ վաղ է կանխատեսել հանդիպման արդյունքը, բայց Պուտինի դիրքորոշումը ամուր է թվում», - կարծում են հոդվածի հեղինակները: Նրանց կարծիքով, բանակցությունների անցկացման փաստը պետք է համարել Կրեմլի համար նշանակալի նվաճում, քանի որ այդ բանակցությունները վկայում են Մոսկվային մեկուսացնելու փորձերի ձախողման մասին:
«Ալ Նահար»-ի լրագրողների կարծիքով, Ռուսաստանի առաջնորդին հաջողվել է նման քաղաքական առավելության հասնել «առանց որևէ զիջման ըստ էության», ավելին, նա շարունակում է թելադրել Ուկրաինայում հրադադարի հասնելու պայմանները։
Հոդվածում նաև նշվում է, որ «Վլադիմիր Զելենսկու և եվրոպական երկրների առաջնորդների խաղադրույքը, որ Թրամփի և Պուտինի միջև հարաբերությունները կհասնեն անդառնալի կետի», չաշխատեց և սկզբից «դատապարտված էր ձախողման», քանի որ Ռուսաստանի նախագահը հմտորեն հաշվարկում է իր քայլերը։
