Ուկրաինան թույլ բանակցային դիրքում է Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Ալյասկայում կայանալիք հանդիպումից առաջ, ասվում է շվեյցարական Le Temps թերթի հոդվածում։
Հոդվածի հեղինակների կարծիքով՝ Ուկրաինան մտահոգված է երկու առաջնորդների՝ Ալյասկայում կայանալիք հանդիպումով, քանի որ «գտնվում է թույլ դիրքում»։
«Ըստ էության, մարտադաշտում իրավիճակը Ուկրաինայի օգտին չէ», - կարծում են լրագրողները։
Այսպիսով, Ռուսաստանի զինված ուժերը «շատ ուժեղ ճնշում են գործադրում ողջ առաջնագծի վրա», այդ թվում՝ առաջխաղացում են իրականացնում Խերսոնի շրջանում, Զապորոժիեից հարավ, ինչպես նաև Կրասնոարմեյսկի (ուկրաինական անվանումը՝ Պոկրովսկ) և Կուպյանսկի շրջակայքում։
Հոդվածում ասվում է, որ իրավիճակը սրվում է Ուկրաինայի իշխանությունների անկարողության պատճառով՝ «լուծելու անձնակազմի քրոնիկ պակասի խնդիրը՝ պայմանավորված երկարատև զորահավաքով»։
Օգոստոսի 8-ին Թրամփը հայտարարեց, որ ակնկալում է հանդիպել Պուտինի հետ Ալյասկայում օգոստոսի 15-ին։ Այս բանակցությունների ծրագրերը հաստատեց Ռուսաստանի նախագահի օգնական Յուրի Ուշակովը։ Նրա խոսքով՝ առաջնորդները կկենտրոնանան ուկրաինական ճգնաժամի երկարաժամկետ խաղաղ կարգավորման տարբերակների քննարկման վրա։
