ԱՄՆ նախագահ Դոնալդ Թրամփը հայտարարել է, որ ստորագրել է գործադիր հրամանագիր, որը Չինաստանից ներմուծվող ապրանքների վրա բարձր մաքսատուրքերի սահմանումը կհետաձգի ևս 90 օրով։«Ես ստորագրեցի գործադիր հրամանագիր, որով Չինաստանի նկատմամբ մաքսատուրքերի կասեցումը երկարաձգվում է ևս 90 օրով։Համաձայնագրի մյուս բոլոր դրույթները մնում են անփոփոխ։
Շնորհակալություն եմ հայտնում այս հարցի նկատմամբ ձեր ուշադրության համար»,-գրել է նա իր Truth Social էջում։Ինչպես նշված է Սպիտակ տան մամուլի ծառայության կողմից տարածված փաստաթղթում, «այս միջոցառումը անհրաժեշտ է Չինաստանի հետ առևտրային անհավասարակշռությունների, անարդար առևտրային պրակտիկայի վերացման և ամերիկյան արտահանման համար Չինաստանի շուկա մուտք գործելու ընդլայնման հարցերի շուրջ արդյունավետ բանակցությունները խթանելու համար»։
«Հետևաբար, Միացյալ Նահանգները պահպանում է Չինաստանից ներմուծման մաքսատուրքերի բարձրացման կասեցումը մինչև 2025 թվականի նոյեմբերի 10-ը»,-ասվում է հայտարարության մեջ։
